历史浪个“叉袋角”

　　苏州河从太湖流下来，下游流过今朝个上海普陀、长宁、静安、闸北区等区域个地方，出现了大小河曲20多个，其中河曲曲度垃拉90度以下个有得好多个。现在莫干山路、澳门路两旁边、上海最早建立个M50创意园区所垃拉个地方，就是邪气突出个一个。

　　迭个河曲由西向东行来，到此地突向南面折过去，并朝里收进，乃末南岸个土地便形成了一个大锐角，角端方向朝指东北。老里八早搿搭就出现了一个叫“沙袋角”个名称。搿一地名可能是因为搿一带个河岸曾经有老多沙滩，所以除脱叫“沙袋角”之外，西边还出现了“小沙渡”（在今西康路北端）迭能个名称。至于“袋角”，当时因搿一块锐角尖起突出，形状赛过麻袋竖起来辰光个袋角个原由。

　　但是迭个“沙袋角”地名垃拉用字搭范围浪，后来发生了两个勿小个变化：一是1900年，阜丰面粉厂垃拉此地诞生，迭个是当时个上海，也是全国第一家最大个民族资本机器面粉厂。1914年后，无锡个荣氏兄弟垃拉此地先后开设了福新第二、第四、第八面粉厂，搿一带赫然成了上海个一个“面粉王国”。面粉厂个工人日日要接触大批个面粉袋，迭个粉袋竖起个辰光，两边棱角叉开，但伊又可交叉打结，即使勿加绳索也能暂时封口。乃末工人逐渐以近音拿“沙袋角”叫做“叉袋角”。称呼用得长远了，“沙袋角”地名就衍变成了“叉袋角”地名。二是“沙袋角”也好，“叉袋角”也好，起初仅仅指高头讲个河曲内侧腹地，但随着地域产业搭住宅区个成长扩展搭对外影响勿断增大，“叉袋角”地名个实际使用范围也向外围推展：向南到达了海防路个南侧，向北竟跨过了苏州河，推进到了今朝天目西路到新客站之间河岸一带。垃拉旧上海个有些地图浪，搿一带也因此标上了“叉袋角”搿一名称。

　　“叉袋角”垃浪上世纪50年代以前，一直是当地个一个区域习称地名，垃拉苏州河浪搭沪西一带，可谓小有名气。不过自上世纪50年代以后，整个上海发生了老大个变化，一个个新城区接踵而起，对“叉袋角”个称呼、使用也逐渐减少，并加速弱化。到80年代，勿要讲整个上海，就是垃拉当地，搿个名称也基本停用。而到今朝，垃拉整个上海，伊也鲜为人知，只有当阿拉垃拉细说苏州河个古往今来个辰光，再会得重新提到搿个已经消逝个历史地名，翻出与之相关个烟云旧事。