今日空气质量  
您现在的位置:首页 > 上海闲话 > 沪渎码头 > 正文

蛮有“福相”个五福弄

2013-02-06 16:42
来源:新民晚报         新民网编辑:田诗雍    作者:周新民 T | T 字号: 打印 参与评论(0)

▲ 蛮有福气个夏老先生

▲ 1932年出版的老城厢地图(局部)

  文 / 周新民

  上海滩浪向晓得五福弄个人,可能是老少老少个。能晓得五福弄名称个来历,可能更加少,即使像阿拉辣海五六十年前就辣辣附近个西姚家弄小学读书,也呒没注意到有搿条弄堂。最近我辣海看老里八早个上海老地图辰光,再晓得五福弄个历史蛮长远个。

  辣辣1932年出版个老城厢地图浪向,我特地用红粗线标辣海个,就是现在个学院路搭五福弄。地图浪向个“老学前街”,就是现在个学院路东头,当中是县东街,西头是县西街。想想也蛮有意思个事体,实际浪向五福弄就是老城厢老有历史老有名气个学院路当中个134弄,离四牌楼路就几步路,阿拉就是有眼勿识泰山。

  有一趟阿拉故地寻踪,碰着一眼老城厢年纪老大个老伯伯、老阿奶,总欢喜问一声“你老里八早就住辣搿搭伐”?向伊拉打听点老里八早搿条弄堂个来龙去脉。真是无巧勿成书,今年元旦,我辣老城厢碰着屋里住浪五福弄个夏老先生,年龄八十八岁。问伊五福弄历史来源,老土地个伊,讲起来老扎劲个:五福弄倒勿是五个啥个福,是五个老板一道出钞票造搿条弄堂个。五个老板个姓,伊记得倒蛮清爽个——张、李、王、陈、秦。原来迭能个,五福弄就是五个老板共同投资有福个弄堂,蛮好白相个。

  五福弄有“福相”,就要讲到1937年11月东洋人飞机辣辣南市掼炸弹了,搿位夏老先生,当时只有3岁多点,亲眼看到有只炸弹在五福弄东南角浪凌空而下,爆炸声响得来勿得了,五福弄前后周围拨拉伊炸得来一天世界。当年11月15日个《申报》还登载了“南市焚烧浩劫”个报道,周围“亦遭焚烬”,只有五福弄命大有福相,幸存下来了。而出生于五福弄个搿位夏老先生,同样命大福气大,东洋人个炸弹呒没炸到伊,废墟中幸存后,到现在已经88岁了,身体邪气健康, 老早个事体还记得老清爽个。伊还讲,老里八早伊拉屋里向穷得来溚溚渧,后来全凭1949年以后读补习班,让伊有了文化。伊还有一桩蛮自豪个事体呢,就是辣1982年新民夜报复刊个辰光,已经58岁,还到夜报帮大名鼎鼎个“林放”先生(即赵超构先生)整理了5年资料呢!勿是伊亲口讲出来,真个让人勿相信,辣辣介小弄堂里向个棚棚房子里,还有个蛮健谈个“林放”先生个老同事。

(新民网编辑:田诗雍) 
今日热点

发布评论

评分:
1 2 3 4 5
 / 0 人已评
>>已有20条评论

您还能输入140

同时转发到上海滩微博
  • 数据加载中……

微访谈

微言博议

微辩论

投票成功 “做民调 赢大奖”转盘抽奖 科沃斯地宝、交通卡、面包机、数码礼包、象印保温瓶等百份奖品等你拿 去试试手气
您已投过票 “做民调 赢大奖”转盘抽奖 科沃斯地宝、交通卡、面包机、数码礼包、象印保温瓶等百份奖品等你拿 去试试手气