勿要忒大噢！

　　文/余晞慕

　　一位外地客到一家鸡粥店去买三黄鸡。

　　“老板娘，买只三黄鸡，要大的。”

　　老板娘连忙从镬子里向拎出一只又白又嫩个鸡来：“老爷叔，侬看迭只鸡哪能？”

　　老爷叔个眼睛盯牢仔鸡看了看。

　　“真个，勿要忒大噢!”老板娘又迎着讲。

　　“怎么不要太大？我就是要大的嘛！”

　　“是啊，迭只鸡真个勿要忒大噢！”

　　“勿要忒大噢！”、“勿要忒多噢！”、“勿要忒漂亮噢！”……“勿要忒X噢！”迭种讲法，来拉外地人听起来就像是一句否定句，哪能现在变成仔肯定句了呢？听上海人讲闲话，有辰光真会觉得拎勿清。

　　“勿要忒X噢！”迭种句式来拉上海老底仔呒没迭种讲法。开头是来拉小青年当中讲讲，后首来大家觉着蛮噱头、有眼海派味道，才慢慢叫传开来。其中“勿

　　要”两字，其实是“莫不要”、“莫不是”、“莫非”、（否定之否定）个省略式，有“无比”、“非常”个意思。“勿要忒大噢！”也就是“莫非太大啰？”（引

　　申为“真是太大了！”）。

　　来拉古汉语中，

　　“莫”和“莫不”、“莫非”有辰光互相通用。譬如《诗经》有：“凡今之人，莫如兄弟”，意思是：“现在的人，莫不是如兄弟那般亲热呢！”（见《诗经·小雅·鹿鸣之什·常隶》）。康有为反对科举制度，不过伊来拉一份奏折里向谈到有关问题也讲：“任官先试，我莫先焉，美国行之，实师于我”。意思是讲：“选任官吏之前先举行考试，这在我国莫不先行，美国所实行的，实在是从我国学去的”。

　　“勿要忒大哦！”就是“真是太大了！”。上海闲话个语法就是有搿能怪法仔。可惜来拉方言词典里还寻勿到迭种例句。