文/钱乃荣
上海话个正字问题现在已经引起大家个严重关心,辣报纸、电视、网络、微信里向,常常出现上海话用字个错误,老多人希望我重点讲一讲搿个问题。
我国历来重视书面语用字字形统一,“书同文”就是讲书写文字必须一致,也就是讲每个字应该用同一个字形,勿要一个字乱用多种写法。任何语言个文字侪要标准化。
有人说讲,上海话是口语,有音无字。其实吴语书面语老早就有几百年个文献,用字早已约定俗成,只是一段时期里有眼人看勿到吴语、上海话个书面文字,就误认为呒没文字了。1900年上海个西方传教士正式出版过一本《汉英上海方言字典》,收7779个字,侪注有文读音、白读音;20世纪初辣上海出版个《旧约、新约圣经》上海话、苏州话版本中呒没一个字写勿出写错。考证确定大量词语写法,从清朝语言学家嘉定人钱大昕就已经开始。
上海话绝大多数词语用字,沪语搭吴语个方言学界辣上世纪70年代底就开始集中搜集,悉心考证,确定标准写法,成果见于80年代出版个《上海市区方言志》,而且已长久辣中国社科院语言研究所主编个《中国语文》《方言》等核心刊物浪向通用。
阿拉从阿里几个方面来审定上海方言个用字呢?
1.词语有相当大个一批是吴语通用词,从明末起已开始约定俗成。考订时,选择有辞书根据、最广泛使用、音义辣各地侪准确对应个用字,为标准字,譬如:落苏、度死、促掐、里向、浪向。像“促掐”,原辣元朝杂剧搭《水浒传》中侪搿能写。
2.有交关词北方话里勿用了,但吴语里还普遍用,就用“考本字”个方法主要辣《广韵》《集韵》《玉篇》搿三本最权威个辞书中考出声韵调侪严格对应个字。
搿些字形勿见于普通话,所以看上去比较生僻,但一定要确定搿些字为标准写法,方才能为吴语广大地域所接受通用。因为查之有据,各地勿同个俗字辣各地人员坐下来讨论辰光必定勿取。如表示倚靠义个“隑”,上海曾有俗字“戤”,就勿可能通过。搿类字有:隑ghe(靠)、渳’mi(小口喝)、恘’qiu(坏)、殟wek塞(郁闷)等。
3.虚词(包括代词、指别词、副词、介词、助词、叹词)各地读音邪气勿一样,则应严格用上海话中个同音字来写,用字考虑到约定俗成,用老派音、新派音皆可读准个字。譬如:“搿个、埃面、辣辣(垃拉)、辣海、邪气、定规”等,勿用本字。“垃拉”为传教士等所记个上海话通用,其音现在辣郊区用得多;“辣辣”是赵元任记上海市区话标准音用字,“拉”和“辣”也为申曲等唱片个唱词说明书中常用。又如:“个(的、地)”个用字,是语言学界有公认个“本字”,至于“格(的;这)”、“勒(在)”等搭苏州音对应,上海音并勿对应个字,就勿用。
4.有个词,确实有音而考勿出本字,就取常见个俗字,但必须是上海话中个完全同音词,如“茄山河”、“茄门”、“茄搭搭”中个“茄”,就是用“番茄”个“茄”。
上海话当中绝大部分个考定个正字,已经辣《上海话大词典》(上海辞书出版社)中全部排出,可供查阅。搿部词典中勿能排出个字,即上海话中真正有音无字或过去写法勿一而未确定个字,经当时搜集一共有52个字,辣2008年第二届国际上海方言学术研讨会浪,上海方言学家会同松江、苏州、杭州、南京、香港及法国、美国等地方言学专家、文字学家,一一进行讨论,最后确定了专家推荐个规范用字,勿少字取以前吴语文献中用得频率高个或意义浪比较恰当个,如作“讥讽”解个“钝”,作“剩留”解个“挺”,作“脾气犟”解个“艮ghen”。搿点字将放进勿久重版个《上海话大词典》修订本中。上海话书面语就基本上呒没写勿出个字,而且全部侪可以辣电脑字库(包括扩充字)里打得出。希望大家多查词典大家来正字。
“上海话前世今生”系列至此结稿。
新民晚报官方微信
微信号:xmwb1929
有用、有益、有趣
新民网茶馆由新民网出品
微信号:newteahouse
无节操、有道理
最麻辣,最有趣的时事脱口秀!
你今天脑补了吗?
新民网事由新民网出品
微信号:xinminwangshi
突发事、新鲜事、有趣事
感人事、烦心事等你来爆料!
扫一扫,关注有礼!
侬好上海由新民网出品
微信号:helloshanghai2013
吃喝玩乐、上海故事、同城活动
每天热爱上海多一点
加入小侬家族就对啦!
版权声明:
• 在本网站刊登的所有内容,包括但不限于文字、图片、音频视频、美术设计、程序及多媒体等信息,未经著作权人合法书面授权,不得进行一切形式的下载、转载或建立镜像。获得著作权人合法书面授权的,必须在授权范围内使用,使用时保留本网注明的“稿件来源”,并自负法律责任。凡注明为其他媒体来源,均为转载自其他媒体,转载并不代表本网赞同其观点,也不代表本网对其真实性负责。如果擅自篡改为“稿件来源:新民网”,本网将依法追究责任。
• 您若对稿件处理有任何疑问或质疑,请即与新民网联系,本网将迅速给您回应并做处理。
电话:021-52921234转604208 新民网 传真:021-62677454
邮箱:稿件处理 处理时间:9:00—18:00
[展开/收起]
上海市新闻道德委员会社会监督投诉电话、来信来访地址及电子信箱:
1. 投诉专线电话:021-64023633
2. 社会监督来信地址:上海市闵行区都市路4855号2号楼 邮编:201199
3. 来访接待:
上海市闵行区都市路4855号2号楼
上海市新闻道德委员会举报中心
4. 投诉电子信箱:shsxwddwyh@163.com
上海市新闻道德委员会通过社会监督电话、来信来访接待、电子邮件等多种方式,受理社会各界对新闻机构及新闻从业人员新闻职业道德失范行为的举报和投诉,对违反职业道德的行为进行监督。
受理时间接待时间为:
工作日上午9:30--11:00;下午1:30--4:00
增值电信业务经营许可证(ICP):沪B2-20110022号 | 互联网新闻信息服务许可证:3112009001 | 信息网络传播视听节目许可证:0909381
广电节目制作经营许可证:(沪)字第536号 | 违法与不良信息举报电话15900430043 | 新民晚报官方网站 xinmin.cn ©2013 All rights reserved.
评论成功,谢谢参与!