“沪语”与“上海闲话”啥差别？

　　文/宗为

　　“爱上海·大声说”第二届主持人沪语大赛经过2个多月初赛、复赛共10场比拼，突围个5位选手，1月31日辣上海月星环球港进行了决赛。决赛经过三轮精彩、激烈个较量，来自第一财经广播个主持人、重庆妹子、准妈妈严丹最终脱颖而出，获得了本届大赛个冠军。

　　冠军只有一名，但所有参赛选手，辣学习沪语方面都会有很大收获，尤其是从初复赛进入决赛个几位，像上海交通广播主持人郭亮、五星体育电视主持人张蕾，伊拉是一步上一大台阶，一步上一大台阶，决赛与初赛时相比，沪语水平个提高是实实在在个几何级数。从搿个角度讲，两人收获最为丰厚。搿也是东方广播中心举办“爱上海·大声说”沪语比赛个初衷。东方广播中心常务副主任孙向彤表示，主持人沪语大赛“起到了地域文化的推介作用，让新、老上海人都能在这座城市一起共生共荣，实际上也是希望更多的人能热爱上海这座城市，能够更加关注和支持上海的文化”。

　　仔细琢磨，大赛定名为“沪语”而非“上海闲话”也是精心推敲个结果，两个名称个差别应该类同于“普通话”与“北京话”的差别。“沪语”属于基本、基础个上海话，而“上海闲话”更多个是土生土长个上海人互相交流时个上海话，两者语音基本相同，但词汇、语法上还是有较多差异。

　　搿个大赛个目的明确，就是推动已将近上海一半人口个一千多万新上海人学讲上海话，当然要定位基础、基本，有了基础、基本，新上海人辣上海工作生活才能消除勿便，搿个便利同时也惠及上海人口一半多一点个上海本地人，所以，伊个功效是双向和翻倍个。至于色彩、滋味更丰富个“上海闲话”，搿是要有了基础之后逐渐随着时间个积累来慢慢理解、体味个，急功近利勿得。

　　顺便说说“上海闲话”。最近十多年，搿个原汁原味个“上海话”，像“老北京话”一样，实际使用中减量、萎缩个速度越来越快、越来越明显，应该看作语言环境变化带来个冲击。因此，“上海闲话”个困境，肯定要大大个大于“沪语”。搿是个大问题，语言学家们给出个各种方子似也蛮难化解。