今日空气质量  
您现在的位置:首页 > 上海闲话 > 侬讲伊讲 > 正文

九月廿七催懒妇

2012-12-19 16:27
来源:新民晚报         新民网编辑:田诗雍    作者:蒋忠平 T | T 字号: 打印 参与评论(0)

  文/蒋忠平

  自小生长垃垃农村乡下头,老里八早就听到“九月廿七催懒妇”迭句闲话,一直似懂非懂。后来阿拉干脆问了上了一眼年纪个人,再对迭句闲话有了更加深层次个了解。

  我试着用迭句闲话垃垃网络高头百度了一下,虽算呒没啥意外个收获,但晓得迭句闲话勿仅仅是阿拉崇明人讲,长兴岛、横沙岛包括启东、海门个人侪讲,是崇启海个一句沙洲气象谚语,整句应该为“九月廿七催懒妇,十月呒风拖勿过。”解释也老简单个,就是讲天要冷了,该添衣御寒了。

  据说垃垃过去个崇明气象史浪向,九月廿五、廿六还勿一定哪能冷,但一到九月廿七搿一天却板定要起风降温个。农村里个人就根据一年一年个经验,总结出了 “九月廿七催懒妇”迭句谚语。意思是讲,假使结了婚个女人到九月廿七还呒没准备好所有个女红,葛末就板定要抓紧辰光为丈夫脱仔小人做好御寒个生活必需品,诸如翻被絮、定被头、做棉袄、缝制棉絮被单、织绒线衣裳、做暖鞋甚至织围巾塔仔帽子个侪有,等等、等等。而垃垃旧时代,搿些女红成为女人个专利,男人是搭不着边个,所以讲只催“懒妇”,勿催“懒汉”。

  社会发展到今朝,搿些老土个女红大多已经勿需要女人再做了,交关御寒品市场浪向侪供应齐全,而且品种越来越多,花头越来越透,只要侬欢喜,侬尽管去尽情个享用。勿像过去,即使市场浪向有个物事,侬也舍勿得买,经济条件个制约促使侬自家动手做,还被戏称为啥个“温暖牌”。御寒制品个今昔变化正反映了改革开放以来个社会经济个发展变化。现在到了九月廿七,再也用不着“催懒妇”了。

(新民网编辑:田诗雍) 
今日热点

发布评论

评分:
1 2 3 4 5
 / 0 人已评
>>已有20条评论

您还能输入140

同时转发到上海滩微博
  • 数据加载中……

微访谈

微言博议

微辩论

投票成功 “做民调 赢大奖”转盘抽奖 蚕丝被、交通卡、双立人刀具、数码礼包、瑞士军刀等百份奖品等你拿 去试试手气
您已投过票 “做民调 赢大奖”转盘抽奖 蚕丝被、交通卡、双立人刀具、数码礼包、瑞士军刀等百份奖品等你拿 去试试手气