爱讲戏话个百岁寿星

　　文 / 朱亚夫

　　上海闲话“戏话”，意思是讲话风趣、幽默，爱开玩笑。迭能个人往往是开心果，自家开心勿讲，还拨人家带来欢乐。上海百岁寿星刘伟伦就是迭能格人。

　　刘伟伦出生于1906年12月19日，扳扳手指头算算，今年伊虚岁已是108岁了。伊祖籍江苏苏州，从小长辣上海，讲着一口带有苏州腔个上海闲话，听着让人感到亲切、适意。伊出身于富裕人家，毕业于东吴大学法学院。祖上办实业，伊年轻辰光承继父业，开过工厂。公私合营后到轻工业局工作，后来下放到玻璃厂劳动。一生虽历经坎坷，但童心勿泯，始终保持着乐观开朗个秉性。

　　老寿星居住辣徐汇区某新村中个二楼。走进伊个房间，就能感受到迭是个书香人家。墙上挂着丹青名家曹用平个画、胡问遂个书法。刘老百岁时，徐汇区特地为伊制作了一幅有伊形象个“百岁寿星图”，下有评语讲：老人生活基本自理，耳朵有些聋，记忆清楚，思维敏捷，阅读能力较强，性格开朗，兴趣爱好：种花、打太极拳。

　　现在老寿星腿脚勿便，与轮椅为伴，但乐观照旧。刘老长得眉清目秀，头发花白，呒没啥个老年斑，一看就是个慈眉善目个长者。伊穿着格子长袖衬衫，看见家中来了客人，显得很开心，戏话不断。随行个医生要测评伊个认知能力，拿出一张印有老虎个图片拨伊看，问伊迭是啥？伊斜着头看了看，笑着回答：“老虎呀，不过我勿晓得是雌老虎，还是雄老虎。”一阵哄笑。又问伊几个问题，伊一一回答后，一本正经个讲：“看得出来，今早是来考考我了？”引得大家都笑了起来。

　　老寿星晚年丧偶，托亲戚照料，现佣个保姆全日照看。伊显然对现状满意，对话当中经常会冒出调侃、幽默之语。伊个独生女儿现定居美国，嫁拨了一个美国人。有人指着搿个洋女婿个照片问伊：迭个是啥人呀？伊笑着讲：“迭个是我最最亲爱个女婿。”一次，亲戚要将伊照片带到美国女儿处，伊又讲：“美国勿是喜欢做广告吗？我个卖相不错，可以到美国当模特，拍广告。广告费么？拨多少，看着办。”

　　老寿星喜看体育新闻，有次侄女来看伊，穿个T恤衫上印有姚明头像，伊就讲：侬是姚明“粉丝”？晓得？阿拉是姚明个老资格“粉丝”！

　　有人看伊年纪介大，劝伊立份遗嘱，伊回答：“我身体好来西，立啥遗嘱？侬勿要触我霉头！”来人讲，那老先生再讨个老婆吧？伊立马讲：“勿要瞎三话四，老婆生前对我太好了，我再婚会对不起伊个！”