用沪语写新年祝福语

　　文/邵天骏

　　马年春节,用上海话拜年，感觉非常亲切，也勾起了两年前我曾经参加龙年沪语祝福语征集活动并获“十佳”个一些回忆。

　　龙年沪语祝福语于2012年1月9日通过上海个文汇报、文汇网以及文汇网新浪微博等渠道发布征集活动信息，辐射众多人群，得到数万新老上海人个关注和响应，为期10天。我是第五天才开始晓得个。作为生辣迭搭、长辣迭搭个上海人，从小酷爱上海方言，虽然平时告新上海人交流辰光普通话流利，但我始终一有机会就讲上海话。尤其是脱上海浦东本地人个频繁接触，让我对本地方言特色有了进一步了解，更为自己和小区居民邪好听个上海闲话而感到自豪。用沪语祝福语拜年，正好特别配我个胃口。

　　1月13日当天，我根据沪语祝福语必须兼顾三个要素，一是有一定个上海方言特色，二是具有龙年要素，三是有一定个民俗、文化要素，编撰好了一条龙年沪语祝福语：鞭炮响，龙年到，上海闲话来拜年，迭个亲热呒法比。声音洪亮邪和顺，高音低音侪好听。送个祝福保平安，身体素质运动员，钞票赚个摸老老，万事顺利天地和，家庭事业刮刮叫，人生快乐有奔头，一年四季呒没烦恼！很快辣第二天个文汇网浪刊登了出来。巧个是，搿条短信我竟得了当日个幸运奖。

　　隔天我个另一条沪语祝福语又辣文汇网浪与大家见面，用意是推广、保护上海话，上海人、新上海人一起讲或者学上海话：蹲辣上海，勿讲上海闲话，哪能与上海迭个国际大都市融成一片？上海人，新上海人，上海闲话是桥梁，普通闲话是支撑，小囡欢喜白相相，大人可以轧闹猛。龙年第一件事，上海人敞开心扉讲上海闲话，新上海人开始讲或者学上海闲话：侬好！阿拉上海人、新上海人大家好！新年快乐！龙年吉祥！生活安康！搿条短信辣单位里收到了比较好个反响，有一位新上海人对我说，以后要多讲上海话，要是讲得勿够好，侬尽管指出，但勿要嘲笑我哦，搿样我可以进步得更快些。此后个几天，我又有三条龙年沪语祝福语相继刊登辣文汇网浪。

　　龙年沪语祝福语征集活动结束后，1月19日由来自上海语言、民俗、出版、新闻领域个专家评选出了十条最佳“龙年沪语祝福语”，我个一条龙年沪语祝福语荣幸地获得“十佳”：“过年要有上海味道，做事要有上海腔调；龙年要有上海高效，生活要有上海精巧；常年要有上海微笑，闲话要有上海声调。”专家点评：“体现上海人内在素养、上海城市快节奏，朗朗上口富有生活气息。”专家们对“十佳”祝福语中所蕴涵个上海方言特色、民俗和文化特点都进行了深入解读。为了让更多新老上海人边看边听边学上海闲话，“十佳龙年沪语祝福语”还被录制成视频短片，我搿条得到了沪语研究专家钱乃荣、上海著名金牌调解员柏万青个视频点评。

　　值得一提个是，已经大学毕业、现在辣上海浦东陆家嘴环球金融中心某外资公司工作个儿子，也是积极推广上海话个忠实粉丝。伊辣我个鼓励下参加活动，也从众多个参选者中脱颖而出，获得“十佳龙年沪语祝福语”荣誉。他获得个“十佳”称号个祝福语内容是：“龙年财神勿睏觉，半夜就等送‘钞票’；炮仗烟花勿求多，心有诚意顶重要；多为别人创幸福，好运会得对侬笑；日脚充实有福气，财神福神一道到！”专家点评：“勿仅点明了辣上海人普遍存在个‘迎财神’情结，还倡导为他人创幸福。”我想，一家三口有两个荣获“十佳”，勿仅是阿拉一家个光荣，而且是阿拉与上海市民一起辣讲好普通话个基础浪，保护地方方言特色、积极推广上海话中收获个一份难忘礼物！