今日空气质量  
天平家园 鹤翔航头 朱家角 古镇泗泾 今日九星 宝山社区 璀璨徐家汇 定海家园 科瑞物业 湖南社区 健康枫林 今日红梅 今日练塘 龙华社区 曲阳社区 庙行之声 北站社区 江桥报 太平家园 嘉兴天地
您现在的位置:首页 > 上海闲话 > 头条 > 正文

【闲话闲画】上海人个“左转弯”“右转弯”

2013-07-15 09:58
来源:新民晚报          新民网编辑:田诗雍    作者:阿仁 T | T 字号: 打印 参与评论(0)

  文图/阿仁

  长远呒没到青岛去了。最早个辰光——还是1968年,我辣上海海运局战斗55号万吨轮上当过半年多个水手,轮船常常开到青岛运煤。青岛变得很熟。后来个几十年里去过青岛个次数也有十来次吧。与上海一样,青岛变化老大。最近去到伊面我迷路了。问路。一位大嫂为我指路:“朝下面走,不多远就到了……”青岛傍海依山,城里勿少地方起起伏伏。因此当地人指路就会告诉侬向上或者向下。搿有点告重庆一样,重庆是个山城。重庆人为侬指点方向也常常会讲:“向上边走一段。”“向下边再走上一段。”上山、下山、上坡、下坡、上、下是山城人个方向词。假使到了北方,比如北京,北京人为别人引路,就用东南西北个方向词了。

  “沿这条大街一路向东就是了。”“出了胡同往西边走。不用再问路了。保管您到!”北方个大城市布局有点像围棋棋盘,道路或东西或南北,老正规老齐整个。到了伊搭,侬辨勿清爽东南西北个方向,保证侬要迷路。

  辣上海滩浪,上海人为别人家指点去向勿会用“上、下”,也勿会用“东西”。上海人讲“前、后”,讲“左、右”。“到城隍庙,辣前面马路口右转弯,到了第一只红绿灯再朝右转弯,就到哉。廿分钟模样个路……”“朝前走过三条横马路,就是徐家汇了。”上海个马路有直、有横,更有斜个、弯个。还有兜圈子变成圆个。比如老城厢个人民路与中华路,首尾相接,成为一条环城个马路。11路无轨电车就是沿牢搿条线路个。现在个11路公交车上还增添了用上海闲话来报站名。

  当然,伊所讲个上海闲话是无线电里讲个埃种字正腔圆个官方上海闲话。与阿拉平常上海人讲个闲话相比,更加糯一点,更加嗲一点。

  上海滩是由晚清辰光个老城厢慢慢变成后来个十里洋场个。今朝开出一条小马路,明晨辟出一条大马路,呒没长远个规划。于是旧上海城区就搿能弄成了一个迷魂阵。前面有三叉路口、四叉路口,后面要碰鼻头转弯。左面直过来,右面弯过去。到了改革开放以后,上海人对老城区个改造是努力拉直道路。对新城区个建设是采取棋盘式个开发马路与住宅小区。旧貌变新颜。

  到上海来白相个外地朋友要熟悉与习惯老上海人为侬指路个方式。“左转弯、右转弯”,“朝前走”、“朝后转”,上海人就是迭能样讲个。多问几趟也就寻对路了。上海人对人家问路还是老老热心个:“阿拉来讲拨侬听……”

(新民网编辑:田诗雍) 
今日热点
更多关于

上海人

转弯

指路

的新闻

发布评论

评分:
1 2 3 4 5
 /  人已评
>>已有条评论

您还能输入140

  • 数据加载中……

微访谈

微言博议

微辩论

投票成功 “做民调 赢大奖”转盘抽奖 科沃斯地宝、交通卡、面包机、数码礼包、象印保温瓶等百份奖品等你拿 去试试手气
您已投过票 “做民调 赢大奖”转盘抽奖 科沃斯地宝、交通卡、面包机、数码礼包、象印保温瓶等百份奖品等你拿 去试试手气