【沪语编讲】刮骨疗毒

　　文/吴兴人

　　习近平总书记辣前段辰光中纪委三次全会发表个重要讲话中，提到要有“刮骨疗毒”个勇气，坚决拿反腐败斗争进行到底。

　　迭只“刮骨疗毒”故事，出辣《三国演义》第75回。

　　手提青龙偃月刀个关公用水淹七军个办法，捉了于禁，杀了庞德，大胜曹操，名气响得勿得了。辣关公告庞德交战辰光，庞德施放了一支冷箭，射中关公左臂。不过，迭支箭射得勿深，用金疮药敷了后，伤老快好了。

　　接下来，关公包围了樊城，对城头个曹军大声叫喊：“那迭帮胆小鬼，早点开城门出来投降！”关公一连打了几个胜仗，得意自满个老毛病发作。人一得意，就要闯大祸。伊辣喊话时，骑辣马浪，身浪披护心背心，斜穿一件绿色战袍，一只右臂膀露辣外头。曹操有名大将叫曹仁，伊辣城头看见关公搿副样子，立马招来五百名弓弩手，喊声放箭。关公晓得勿对，赶忙后退，但已来勿及，右臂中了一箭，一个斤斗，翻身落马。

　　关公被救回营房，拔出搿支箭。曹仁交关辣手，辣箭头上涂了一种名叫乌头个毒药。关公中箭后，右臂马上肿了起来。手下个人勿敢马虎，立即从江东请来名医华佗。迭个华佗本事很大，一般人是请不动个。伊听得关公受伤，立马赶来。关公怕影响军心，装作一副呒介事个样子，还跟马良着棋。华佗一看，连声说：“勿得了，勿得了，乌头极毒，毒已入骨；再勿早治，迭条手臂要废脱了。”

　　关公问哪能治法？华佗提出一个方案：寻个僻静地方，挂个柱子，上面钉上大铁环，让关公拿受伤个膊膀穿过铁环，再用绳子扎牢，用被头蒙牢头。然后，伊用尖刀割开皮肉，刮掉骨上个箭毒，再敷上伤药，缝上伤口。华佗问关公：“勿晓得侬阿吃得消？”

　　关公听了，手一挥讲：“迭个蛮容易，用勿着啥环柱，更用勿着被头蒙头，侬动刀好唻。”关公摆一桌酒席请华佗吃老酒。酒席摆好，关公伸出右臂，对华佗说：“上！”华佗让一个小军官端只盆子，放辣下面接血，对关公说：“我要动手啦，侬勿要吓噢！”现在看来，做迭种大手术，是要上麻药个，何况华医生又发明过“麻沸散”，麻醉效果非常好，但作家罗贯中为了突出关公个神勇，摆了一记噱头，呒没让华佗用“麻沸散”。

　　关公伸出受伤个右臂说：“先生尽管动刀。”仍旧跟马良着棋。华佗割开伊个皮肉，发现骨头已经变青，便拿出一把锃【sang】锃亮个刀子，刮掉骨头上个药毒，华佗尽管用力很轻，还是悉悉个发出刮骨个声音。帐上帐下个官兵个个吓得面色发白。关公毫勿在乎，一边饮酒，一边吃肉，一面下棋，说说笑笑，神色勿变，面孔浪呒没一点痛苦表情。一歇歇，盆里个血已盛满了。华医生刮干净箭毒，敷上伤药，缝合创口。关公大笑，站起身来对大家说：“现在，我搿条臂膊已舒展自如，勿痛了！华佗先生，侬真是神医啊！”华佗说：“我当了一辈子医生，从来还呒没看见过像侬迭种勿怕痛个人，将军真是天神哪！”

　　关公拿出一百两黄金送拨华佗，华医生医术医德交关好，勿收红包。伊讲，我听说侬为人最讲义气，我哪能好收红包？留了一帖药，伊就走了。伊特别关照勿要动火，一百天后，伤口可以长好。

　　习总书记引用迭个故事，意思是要学习关公搿种“刮骨疗毒”精神，割开皮肉，勿怕出血，勿怕剧痛，拿躯体里一个个腐败毒瘤割掉。