第五十九期题目翻译选登

　　水调歌头中秋

　　（上海话版）文/钱乃荣

　　锃锃亮个月亮，啥辰光会得有？

　　我一面老酒嗒嗒，一面问声天老爷。

　　啥人晓得天浪向个花花世界，

　　今朝三更半夜是两零几几年？

　　我真想乘神舟10号回转去望望老天爷，

　　只不过剩怕天高头实在冷煞快，

　　一家头垃拉城堡皇宫里向豁一转有眼吓咾咾。

　　哦！阿拉还是蓬拆拆跳起来！

　　连我个影子也辣摇发摇发，像煞天浪向还勿及地浪世界好白相。

　　辣金茂大厦顶浪兜来兜去，

　　偷半仔长石库门里个阿狗阿猫，

　　一看哪能大家侪睏勿着？

　　有啥郁闷殟塞头！

　　侬只月亮啥讲究介拎勿清总归要辣人家分别个辰光瞎圆瞎亮！

　　人生常常要开心得双脚跳调转头来哭出乌拉，一歇歇轧朋友一歇歇离来远七长八；

　　月亮也来轧闹猛一歇暗黜黜一歇亮堂堂，刚刚圆了圆隔手又齾【ngak】脱一块介勿识相。

　　搿桩事体真真叫天生呒没办法！

　　但愿个个人亨八冷打侪长生勿老，

　　各到各处一道望到月亮浪个高维修美眉交关嗲！